الصور والفيديو

الفيديو من هنا

https://c.jumia.io/?a=187568&c=86&p=r&E=kkYNyk2M4sk%3D&utm_campaign=187568&utm_term=

اوبر والتلاعب بالشباب المصرى

التعديلات الاخيرة فى اجرة اوبر وجزء الضرائب ...وضح حاجه مهمه جدا ..اغلب الناس مش واخدين بالهم منها وللاسف دى موضوع خطير جدا
اللى ظاهر للكباتن كلها ان الموضوع عبارة عن تحريك او زيادة الاجرة على العميل .
بس الموضوع مش كدة خالص ..
الموضوع عبارة عن لعبه زباله من شركه زباله اسمها اوبر والدليل ان الموضوع لعبه خبيثه وكبيرة ..ان كريم ما عملتش زى اوبر ...يعنى دة مش قانون او نظام الدوله اجبرت الشركتين عليه.
لا الموضوع اكبر من كدة بكثير
الموضوع ان الدوله عايزة تقنن الشركتين ...كشركات نقل تشاركى للأفراد ...وطبعا اوبر مش عاجبها الكلام دة ..وعايزة تتعامل على انها شركه سوفت وير ..وطبعا دى مش داخل دماغ الحكومه لان اللى اوبر عايزة تعمله دة اسمه نصب وتحايل على القانون ...واوبر عايزة تستعمى الحكومه والدنيا كلها اللى شايفين انها شركه نقل افراد واوبر مصرة تهرب من التعريف دة وتقولك انها شركه سوفت ووير ودورها بينتهى عند العميل بتاعها اللى هو الكابتن اللى بتبيع او بتأجر له السوفت ووير بتاعها اللى هو برنامح اوبر درايفر...
علشان كدة فى التعديل الجديد اوبر مركزة جدا وموضحه قوى ان الكابتن بالنسبه ليها هو المستهلك النهائى ومنتجها هو برنامج اوبر درايفر ..وهتدفع الكابتن الضريبه بناء على الكلام دة ..والكلام دة طبعا خطر جدا وشغل يهود
لان كدة اوبر بتقول انها مالهاش دعوة باى حاجه تحصل بعد بيعها للبرنامج ....يعنى مش مسئوله عن الرحلات او العملاء او اى علاقه او مشكله تحصل بين العميل والكابتن...لانها ما تعرفش حاجه اسمها عميل او راكب ..هى دورها بينتهى عندك يا كابتن ..انت يا كابتن عميل اوبر والراكب اوبر مالهاش دعوة بيه وما تعرفش حاجه عنه....
وطبعا الحكومه مش هترضى بكدة ...علشان كدة فى مشاكل فى برنامج اوبر من فترة بسبب ضغوط الحكومه عليها علشان تشتغل صح وتسيبها من امور اللولع بتاعتها..
وبكدة اقدر اقول لكم ان اوبر بتعقد التقنين اكثر مش بتسهلو....واعتقد ان اوبر ما تقدرش تعمل كدة فى اى دوله محترمه لانها كانت هتتوقف وتطرد من اى دوله ثانيه لو عملت شغل الاستعباط بتاعها دة...والاحتمال الاكبر ان المرور هيشد حيله جدا على كباتن اوبر الفترة الجايه وكمان الحكومه هتفضل عامله مشكله لاوبر فى البرنامج .
وطبعا الفرق كبير جدا بين ان الحكومه عايز الراكب هو اللى يدفع الضرائب يعنى ال١٤% الحكومه هتحصلها من اجرة الراكب يعنى ١٤ جنيه .. لو الاجرة مثلا ١٠٠ جنيه.وفرق بين اللى اوبر بتعملو وبتحملنا احنا ضرائبها على اربحها فقط  يعنى عايزة تدى الحكومه حوالى ٣% فقط ...
#مصرى_ومسكوة_تقييم

الفرق بين اوبر وكريم

انا باشغل الاثنين....شايفهم زى بعض بالضبط
بس عميل كريم تحس انه طيب ....عميل اوبر عايش الدور شويه ....
اوبر بتعرف تكنسل الرحله وترمى العميل اللى مش عاجبك من العربيه..حتى لو بدأت الرحله
كريم واوبر تقريبا فلوسهم زى بعض
اوبر فى بوابات السفر ودخول المطار بتحسب الكارته بزيادة على العميل
كريم بتحسب كارته المطار بس ...وباقى البوابات بتقلش منها...الالو كنت متصل بيهم قبل السفر ومعرفهم انك مسافر
فى السفر اوبر بتحسب الرحله سفر من السيستم
كريم لازم تتصل بيهم وتعرفهم انك مسافر وتعرف سعر الرحله كام قبل ما تتحرك
والاثنين زى الزفت فى السفر هيقفو عليك بخسارة..والأحسن ان ترفض اى مشوار سفر ...وبلاش تتفق مع العميل برة البرنامج الا لو كنت ضامن وعارف العميل وضامن فلوسك
اوبر بتحسب الاجرة كم وانتظار علشان كدة هى احسن من كريم فى الزحمه ..لان كريم بتحسب وقت او مسافه ...يعنى فى الزحمه هتبقى الحسبه كلها انتظار فقط
كريم فيها جرانتيى واوبر متعرفش حاجه اسمها جرانتيى ..تقريبا الكلمه دى عيب عندهم
بونص كريم بردو احسن من اوبر ...لو بتعمل رحلات كثير ...لو شغلك قليل يبقى ترضى ببونص اوبر التعبان ....لانه عدد رحلاته اقل
يعنى من الاخر خلى الاثنين شغالين معاك ...واللى منه مصلحه شغله

هل اوبر وظيفه

هى اوبر  وكري وظيفه يعتمد عليها والا هى وسيله فقط لزيادة الدخل....
لو كانت وظيفه ثابته يبقى لازم يكون فى دخل محترم مقابل الوظيفه ويبقى فى تامين صحى واجتماعى .... ويبقى فى تحقيق قبل البلوك .
لو كانت وسيله لزيادة الدخل يبقى من حقى اقبل او ارفض اى رحله حسب ظروفى..
.يبقى لازم يظهر لى قبل ما اقبل الطلب العميل واجهته فين ومن حقى ارفض او اقبل ..دون ان يكون على اى التزامات..
.
من حقى احدد الواجهه  فى اى وقت فى اليوم وليس  مرة والا مرتين فقط
لما تبقو يعرفو او يحددو هما ايه بالضبط ....شركه تاكسي بدوام كامل.. ودخل محترم وتقريبا ثابت
والا شركه لزيادة الدخل فقط او لمجرد الحصول على ثمن البنزين ساعتها كل واحد هيعرف هو عايز ايه وهيبقى فى رضا من كل الناس اللى شغاله

انما المشكله انهم عايزين الناس تشتغل بطريقه زيادة الدخل ...اللى هى لو جبت فلوس البنزين يبقى كويس...وفى نفس الوقت عايزينك فى الشارع طوال اليوم والليل وما ترفضش تشتغل فى مناطق خطر ومكسرة ..مع ان النظامين عكس بعض تماما ..الا انهم مش فارقه معاهم الا مصلحتهم فقط ..ومش فارق معاهم الناس اللى شغاله فى حاجه

ليه الناس بتشتغل فى اوبر وكريم

الناس اللى بتسخر من كباتن اوبر وكريم اللى بيشتكو من طبيعه الشغل مع قله الدخل واهلاك السيارة وبيقولو طيب هما شغالين ليه ما يريحو دماغهم ويسيبو الشغل ..انا اقول لك هما شغالين ليه
علشان البلد مفيهاش شغل خاصه مع الناس اللى معندهاش  وسايط ...
....علشان الشكل الاجتماعى للشغلانه دى كويس مش وحش ..يعنى هو مش سواق تاكسي والا سواق تكتوك مع احترامنا طبعا للجميع ...انما فى ناس كثير علشان ظروف سكنها واولادها والوسط اللى عايشين فيه ما ينفعش غير انه يركب ملاكى ....يعنى لو ظروفه تسمح انه يسوق تكتوك كان عمل كدة لانه هيكسب اكثر ...
.الناس شغاله ومستحمله لان مش كل الناس اصحاب عربيات ..ناس كثيرة شغاله سواقين  على عربيات .
الناس مستحمله زى ما كل واحد مستحمل وشغال شغلانه غصب عنه وما بيحبهاش علشان مفيش عندة وفرة من الفلوس تخليه يسيب شغله او شركته ويدور على شغل ثانى احسن
....الناس شغاله ومستحمله علشان البدائل بردو كلها مشاكل لان فرص الشغل فى البلد محدودة.
المشكله مش فى الناس ...المشكله فى انك كشاب مضطر تختار احسن الوحشين.
لو الناس اللى بتقول اللى مش عاجبه الشغلانه يسيبها..احب اقولك ان دى رفاهيه ما يقدرش عليها اغلب المصريين لانها ببساطه عايشين بالعافيه ومديونين
حتى لو اللى شغال فكر يبيع العربيه ...الفلوس اللى هتفضل معاة مش هيعرف يعمل بيها اى مشروع يجيب دخل محترم.
علشان محتاج فلوس انهاردة ودلوقتى علشان مصاريف بيته وعياله مع انه عارف انه بيستلف من سعر العربيه بس ما فى عندة اختيار ثانى
#مصرى_ومسكوة_تقييم

اسباب تدهور مستوى الخدمه فى اوبر وكريم

علشان احنا فى مصر نوعيه العملاء
#مصرى_ومسكوة_تقييم
بقى العميل يركب ومفيش اى مشكله ويدى الكابتن تقييم وحش .فاكر ان كدة الشركه بتعوضو ببرومو كود..
فطبعا الكباتن المحترمه زهقت من نوعيه العميل المصرى اللى فرحان بالتقييم ..وفضل نوعيه كباتن شبهه العملاء بالضبط ..يعنى لو العملاء من الاول احترمت الكباتن المحترمه الكويسه ما كانش حصل كدة...طفشثو الكباتن المحترمه اللى كانت بتنزل تشتغل علشان يزود دخله او عندة وقت فاضى ونوعيه الكباتن دى كانت نزيهه مش محتاجه الشغل ...لانه كان مجرد وسيله محترمه لزيادة الدخل ..والكابتن النزيهه دى دائما كان عربيته نضيفه وتكييفه شغال .وبيحب الرحلات الفيزا والكريديت ...ولما العميل المصرى مسك التقييم فى ايدة وحس انه متحكم فى مصير الكابتن وبقى يقييم الكابتن المحترمه تقييم وحش لانه اما مش فاهم او محدث تقييم ...نوعيه الكباتن المحترمه النزيهه دى طبعا ريحت دماغها من نوعيه العملاء دى .وبطل الشغلانه لانها مش شغله الاساسى...حتى العميل المحترم ما بيهتمش قوى بالتقييم وبيكبر دماغه ..انما محدث النعمه اللى مسك التقييم هو اللى عمل كدة فى الشغلانه وجابها لمس اكتاف
#مصرى_ومسكوة_تقييم

نصابين شركه كريم للسيارات

الكباتن اللى بيتصل بيهم ناس علشان مديونيه كريم
كبر. دماغك ...دة مكتب محامى فاشل ..بيلم لكريم المديونيات اللى هى اصلا كبرت دماغها منها مقابل نسبه لمكتب المحامى....لما يتصل بك ثانى ..قول له انك سجلت المكالمه وهترفع عليه قضيه ابتزاز بيها وهو هيحرم يتصل بيك ثانى ..وسيبك من اللى بيقولك ادفعهم ...انت اصلا بتتعامل مع شركات سارقه مننا ملايين...ودة مش دين والا نيله ..دة جزء من فلوسك اللى سرقتها منك كريم او اوبر

يوميات كابتن اوبر و كريم 1

لما تبقى كابتن فى اوبر وكريم ..وبردو بتستعمل اوبر وكريم كعميل مرتين اوثلاثه يوميا .ليك ولاولادك ..وبتعرف الكابتن انك كابتن زيه وطبعا ملتزم بالقواعد المثاليه كعميل يعنى
... مشوارى من منطقه نضيفه لمنطقه انضف والاثنين جوة اكتوبر وبيعمل حوالى
٢٠
دقيقه
وفلوسه حوالى
٣٨
جنيه
...... دائما باكون جاهز وواقف فى الشارع انا او ولادى قبل وصول الكابتن بدقيقه على الاقل
.... باعرفه انى هقيمه خمس نجوم وتعليق كويس .بعد ما اعرفه انى كابتن زيه
....انا شغلى الاصلى من عشرين سنه كله تعامل مباشر مع العملاء من كل الفئات والحمد لله باعامل الناس احسن معامله .
... وبعد كل دة الاقى تقيمى كعميل واصل ل
٤.٦
مع ان تقيمى ككابتن
٤.٨٩
..انا الصراحه مش فاهم الكباتن بتفكر ازاى والا بتعمل كدة ليه
....الغريبه انى كعميل باقدر اعرف الكابتن اللى عمل كدة واقدر اغير تقيبمى له فى اى وقت ورغم ذلك ما باعملش كدة وباقييم الرحلات كلها خمس نجوم ...على الرغم ان فى عربيات ما ينفعش تتركب وريحتها زى الزفت وكلها سجائر ...
.....لو حد فاهم الناس دى بتعمل كدة ليه يفهمنى لانى ككابتن باقيم كل العملاء خمس نجوم ..فما بالك بكابتن زميلك وتقييمك مضمون معاه

وظائف خاليه

اللى بيدور على شغل

التفاصيل اهي :

شرح شغل المزرعه العامل بيشتغل ف المزرعه حاليا بنظام الجمع ع خضار البسله بيجمع بالكيلو كل ١٠٠ كيلو بيجمعهم مقابل ١٨٠ جنيه والعامل 

ع اللي بيجمع من ١٠٠ الي ١٥٠ كيلو ف اليوم وفي عمال بتجمع ٢٠٠ كيلو يعني مقابل٣٦٠ جنيه العامل ف المزرعه ببتوفرله سكن ع البلاط 

وهو بيجي معاه بطانيه للنوم وبيدفع ١٠٠ جنيه شهري مقابل السكن ده يعني العامل بيعمل راتب شهري لا يقل عن ٤٥٠٠ جنيه الي ٧٠٠٠ جنيه

 ويوميات المزرعه مش بتزيد عن ١٠ ساعات شغل وممكن ناس تخلص ف ٨ ساعات كل واحد ع حسب شغله مكان المزرعه / اسكندريه 

& عندي مزرعه تاني ف وادي النطرون دي نظام راتب شهري ٣٥٠٠ جنيه بيوفر سكن مجاني مفيش 

وجبات العامل بيتحددله قطعه ارض يجهزها طوال الشهر لو خلصها مثلا ف ٢٠ يوم يقدر يزود عليها شغل وياخد قطعه تاني وبيتحددله سعر ليها 

يعني شغل مفتوح &&&&&&& رسوم المزارع ٣٥٠ جنيه مفيش وجبات ف مزارع حاليا &&&&&&& يفضل من سكان الاقاليم والارياف ولا 

نقبل سكان القاهره واسكندريه نهائي لتحديد مكان الانتر فيو التواصل على 

01159129643 

01091750165

التقييم فى أوبر وكريم بالمزاج

من أسوء الاشياء فى شركتى أوبر وكريم تركهم  لعمليه تقييم الكابتن بدون أى ضوابط . فى يد عميل ممكن يكون فاهم او مش فاهم 

- لو عميل مؤذى يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة . والامثله كثير.

- واحدة مش عاجبها شكلك علشان انت شبه الواد حسن الرخم اللى ما رديش يخطبها.
تتسبب انك يتعمل لك بلوك او غرامه وممكن تتوقف و تقعد فى بيتكم علشان مزاجها كدة .

- الحاجه أم اسماعيل مع احتراما للحاجه ام ابراهيم علشان انت شبه الواد فتحى اللى عور ابنها اسماعيل وهو عندة 3 سنين .( اى نعم الكلام دة من 25 سنه بس لسه فاكرة شكله).تسبب انك يتعمل لك بلوك او غرامه وممكن تتوقف وتقعد فى بيتكم علشان مزاجها

- نفس الحاجه أم اسماعيل مش فاهمه ايه النجوم اللى بتطلع دى وبتاعه ايه .تتسبب انك يتعمل لك بلوك او غرامه وممكن تتوقف و تقعد فى بيتكم علشان مزاجها كدة .

- المرة دة الواد ابراهيم ابن الحاجه ام ابراهيم اللى طلب التوصيله لامه وهوقاعد فى بيتهم بالبوكسر علشان تروح عند اخته هناء وما شافكش من اساسه ينفخك فى التقييم ..يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - واحد عارف انك بتكسب 15000 فى الشهر .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة .

- واحد شاف انك وقفت بعيد عن البيت ب نص متر .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - عميل المنطقه الشعبيه اللى بتدخله حارة جوة زقاق جوة مدق عبورا بملايين التكاتك والمطبات . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - العميل اللى شغلت له التكييف وهو عندة حساسيه من التكييف . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - العميل اللى ما شعلت له التكييف وهو عندة حساسيه من التراب والجو . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - سعاد اللى قلت لها بلاش الاولاد ياكلو فى العربيه ويتنططوا على الكنبه ويخبطو فى ازاز العربيه . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - مديحه اللى ركبت بعد سعاد على طول ولقت المناديل اللى سعاد وولادها رموها على ارضييه العربيه . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- محسن اللى شرب مليون سيجارة فى العربيه ونفخها فى وشك وفى السيجارة المليون وواحد حس كدة انك مش مبسوط من ريحه السجائر . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - عادل اللى ركب بعد محسن ولقى العربيه ريحتها سجائر . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - فتحى اللى ركب بعد عادل علشان ما بيحبش ريحه المعطر اللى انت رشتها علشان .تضييع ريحه السجائر اللى شربها محسن . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - الحاجه ام اسماعيل ثانى علشان ما عرفتش توصل على اللوكيشين اللى هى محدداة . عند الحاج ناصر الفكهانى اللى قدام بيتها . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة
- - العميل اللى بتوصل اللوكيشين وما تتصلش بيه وتعرفه انك وصلت علشان توفر ثمن المكالمه مع ان اوبر وكريم بيحسبوك على المكالمات يعنى ما تدفعش حاجه من جيبك . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - العميل اللى بتوصل اللوكيشين وتتصل بيه . ويستغرب من غبائك وليه بتتصل مع انك باين عندة انك وصلت . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - العميل المحترم اللى على دول بيقيم البارتنر 5 بس البارتنر بيديله تقييم وحش بدون سبب . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - العميل اللى شايف انك المفروض توصل خلال 4 دقائق وتوصل له بعد 4.30 دقائق . مع انه نزل بعد انت ما وصلت ب 9 دقائق . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - العميل اللى مش عارف الطريق ويقولك امشى على الجى بى اس ويحس انك بتلف بيه علشان الاجرة تبقى كثير مع انه شايف قدامه انك ماشى على الجى بى اس . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

- - الواد سعد وخطبيته علشان كان فاكرة عربيتك الالنترا هاى لاين وطلعت مش هاى لاين . .. ينفخك فى التقييم و يتسبب انك يتعمل لك بلوك او غرامه وممكن تتوقف وتقعد فى بيتكم علشان مزاجه كدة

#مصرى_ومسكوة_تقييم

اسهل طريقه للعمل باوبر وكريم

تعتبر شركه اوبر ومن بعدها شركه كريم من رواد العمل فى مجال تكنولوجيا النقل باستخدام التكنولوجيا الحديثه  باستخدام شبكه المعلومات فى الدول التى تعمل بها مثل مصر .التى تعد اكبر سوق ومستخدم لخدمات شركتى اوبر وكريم على مستوى افريقيا والدول العربيه .

ويسعى كثير ممن يملكون سيارات حديثه ولديهم بعض من الوقت . إلى زياده دخلهم عن طريق العمل فى شركتى اوبر وكريم .

ويتميز العمل فى شركتى اوبر وكريم بانه ليس له مواعيد ثابته ومحددة للعمل .

فيمكن لاى يشخص العمل  فى شركتى اوبر وكريم .

فبمجرد ضغطه زر يمكنه ان يكون متصل بشبكه اوبر وكريم واستقبال طلبات العملاء والذهاب اليهم وتوصليهم الى واجهتهم .

وبضغطه زر اخرى يمكنه غلق البرنامج ويصبح غير متصل .فبرنامج الكابتن سهل الاستخدام رغم التقنيه العاليه التى يتميز بها .

وللعمل بشركه اوبر وكربم يلزم الكابتن ا ان يكون لديه رخصه قيادة ساريه وفيش وتشبيه حديث .(صحيفه الحاله الجنائيه)..

ويكون لديه بريد اليكترونى وصورة شخصيه

وبعد رفع ورقه يصبح كابتن خلال فترة وجيزة لا تتعدى يومين .

وتلزمه الشركه بعد ذلك بعمل تحليل مخدرات وفحص للسيارةالتى يقودها ولذلك لضمان سلامه العملاء

ويمكن التسجيل بكل سهوله للعمل بشركه اوبر من خلال الرابط التالى

الخطوات التفصيليه للعمل بسيارتك  او اسكوتر او موتوسيكل مع أوبر :::

أولا:

تصوير المستندات التاليه قبل التسجيل من اللينك:

1*صوره شخصيه واااضحه

2•الفيش الحنائي

3*رخصة القياده

4•رخصة السياره

ثانيا :

يتم التسجيل من لينك أوبر المباشر :

https://m.facebook.com/story.php?story_fbid=704628256577503&id=676557819384547

يمكن تأجيل فحص السياره من مركز ناسيتا وايضا تحليل المخدرات من المختبر او نايل سكان قبل اكمال 25 رحله...


كما يمكنه التسجيل فى شركه كريم من خلال الرابط التالى


. سجّل على drive.careem.com وأدخل رمز الدعوة 89356 لتحصل على مكافأة